Një person u gjet i vdekur mbrëmë në bodrumin e një shtëpie në rrugën Gjilan-Kamenicë. Sipas informacioneve ai ishte i ardhur nga Zvicra, dhe në xhepat e tij u gjetën 3 telefona celularë dhe rreth 80 mijë franga.
Policia ndërkohë ditën e sotme ka konfirmuar vdekjen e tij me një njoftim zyrtar por ende nuk dihen shkaqet e vdekjes së tij.
“Me datë 26.02.2024 rreth orës 22:37, Policia e Kosovës stacioni policor në Gjilan kanë marrë një informatë se në bodrumin e një ashensori të një ndërtese në rrugën Gjilan-Kamenicë është vërejtur një person i cili dyshohet të jetë i vdekur.
Lidhur me rastin është informuar prokurori i shtetit dhe të gjitha njësitet relevante, ku me urgjencë kanë dalë në vendin e ngjarjes. Prokurori i shtetit ka urdhëruar që trupi i pajetë të dërgohet në obduksion.”, ka konfirmuar policia.