Në Tiranë po zhvillohet samiti Ukrainë-Europa Juglindore. Kryeministri Edi Rama tha se mbetemi të angazhuar në mbrojtje të Ukrainës. Kreu i qeverisë shqiptare tha se Shqipëria nuk ka kapacitet për të ndihmuar ushtarakisht Ukrainën, por i bëri thirrje Perëndimit.
“Prania juaj këtu tregon se Rusia nuk ia ka dalë të përmbysë qeverisjen e Ukrainës dhe të shtypë vullnetin e popullit ukrainas, të shtypë të vërtetën. Putin donte ta fshinte Ukrainën nga harta për cështje ditësh, por Ukraina është më shumë se kurrë e ankoruar në Europë. Në këtë tryezë shoh fytyra të njohura dhe miqësore.
Të gjithë ne këtu në Ballkan jemi bërë bashkë për t’u takuar dhe folur për sfidat tona për të folur për të ardhmen tonë. Pavarësisht asaj që të mos biem dakord, për të parë përpara në vend që të shohim pas. Jemi këtu për solidaritetin tonë për Ukrainën dhe popullin e saj për të përtërirë solidaritetin tonë” tha ai.
