Qyteti i Lezhës është hasur me probleme jo të vogla si pasojë e reshjeve të dendura të shiut, të cilat mbrëmjen e së mërkurës rezultuan deri diku edhe të frikshme.
Pikërisht fluks të madhe uji nuk e kanë përballuar dot kanalizimet e qytetit duke sjellë dhe përmbytje në lagjen “Besëlidhja” ku niveli i ujit arrin deri në 30 cm.
Moti i keq me stuhi shiu solli probleme dhe me furnizimin me energjie elektrike. Pjesa më e madhe e fshatrave kane qenë në errësirë gjatë natës, ndërsa po punohet në riparimin e defekteve dhe rikthimin e energjisë në zonat ku aktualisht mungon.
