Napoli dhe Roma u ndanë në një barazimin 2-2, në sfidën e kësaj të diele të luajtur në ‘Stadio Maradona’.
Pjesa e parë u mbyll pa gola, ndërsa në të dytën ndodhën të gjitha. Roma ishte e para që kaloi në avantazh, pasi në minutën e 59-të ishte Dybala i cili shënoi nga pika e bardhë e penalltisë.
Por festa e romakëve nuk zgjati shumë, pasi Olivera barazoi rezultatin në minutën e 65-të. Pak minuta drejt fundit të ndeshjes, Osimhen bën stadiumin të festojë pasi shënon me penallti golin e epërsisë në minutën e 84-të.
Por Roma e De Rossit nuk u dorëzua, pasi në minutën e 89-të Abraham shënon golin e barazimit për t’i ndarë skuadrat në barazim.
Me këtë rezultat, Napoli renditet në vendin e tetë me 50 pikë, ndërsa Roma në vendin e pestë me 59 pikë.
