Fillon stuhia dhe moti i keq. Stuhia e shiut ka përmbytur qytetin e Durrësit. Uji ka vërshuar nëpër rrugët dhe trotuaret e qytetit bregdetar.
Zona rreth stadiumit është e pakalueshme si për automjetet ashtu edhe për qytetarët.
Departamenti i Garave në FSHF bën me dije se për shkak të kushteve atmosferike do të ketë një ndryshim të orarit për ndeshjen Dinamo City – Teuta.
Sfida e vlefshme për javën e 27-të të kategorisë “Abissnet Superiore” ishte parashikuar të luhej në orën 17:00 në stadiumin “Niko Dovana”, por shkak të reshjeve të mëdha të shiut do të spostohet me një orë dhe do të nisë ora 18:00.
