Një 38-vjeçar i cili ishte shpallur nga autoritetet italiane për trafik droge është arrestuar nga policia e Tiranës.
Mësohet se Ermal Furriku është arrestuar në rrugën “Perlat Rexhepi” me qëllim ekstradimi drejt Italisë.
Ky shtetas ishte shpallur në kërkim ndërkombëtar, pasi Gjykata e Potenza, Itali, i ka lëshuar urdhër arresti për veprat penale “Trafikimi i lëndëve narkotike” dhe “Organizatë kriminale”, parashikuar nga Kodi Penal i Italisë.