Ditën e sotme kryeministri Edi Rama dhe kreu i Grupit Parlamentar të PS-së, mblodhën deputetët socialist për të diskutuar axhendën e kësaj jave në Kuvend.
Rama la si porosi vijimin e punës me Organizatata socialiste në terren dhe të shtohet komunikimi me anëtarët e këtyre organizatave si dhe qytetarët.
Bled Çuçi ndërkohë informoi deputetët për rikthimin e normalitetit në Kuvend duke theksuar se s’ka asnjë marrëveshje e as do të krijohet ndonjë nënkomision ose strukturë e posaçme.
“S’ka asnjë nënkomision apo strukturë tjetër, thjesht në Komisionin e Ligjeve do të krijohet një mekanizëm dialogu për ligjet me 3/5 dhe ato që kanë lidhje me çështjet e integrimit europian. Opozita u rikthye andej nga kishte ikur. Ramë dakord të ndryshojmë objektet e komisioneve hetimore në Konferencën e Kryetarëve” deklaroi Çuçi.
