Mbi 100 të vdekur është bilanci i sulmit terrorist në Moskë. Autoritetet ruse thanë se njëmbëdhjetë persona janë arrestuar në lidhje me sulmin e armatosur të së premtes në një sallë koncertesh. Katër prej tyre janë të përfshirë drejtpërdrejt në sulm, i tha të shtunën Presidentit Vladimir Putin, shefi i Shërbimit Federal të Sigurisë, shkroi agjencia shtetërore ruse e lajmeve, Tass.
Zyrtarët rusë thanë se ata u kapën në rajonin Bryansk në Rusinë perëndimore, “jo larg kufirit me Ukrainën”. Të paktën 115 veta u vranë në sulmin e së premtes, në mesin e të cilëve tre fëmijë, thanë autoritetet ruse. Por si ndodhi sulmi dhe detajet e fundit i sjell për “5Pyetjet.al” në një bisedë në skype gazetari Misha Pumo.