Aktivisti Edison Lika ka mbajtur një fjalim gjatë protestës së zhvilluar në kryeqytet, ku është ndalur te pjesëmarrja e qytetarëve dhe mungesa e 21 të rinjve që, sipas tij, kanë qenë në qeli një natë më parë.
Ai theksoi se protesta ka vijuar me orë të gjata për disa ditë me radhë në mbështetje të tyre, ndërsa u shpreh se qeveria nuk mund të rrëzohet me dhunë, por me qëndresë qytetare.
“Mbrëmë në këtë shesh kishte më shumë se 100 mijë vetë, por i munguan 21 djemtë tanë më të mirë. Ky shesh ka më shumë kuptim sot. Qeveria e Ramës nuk ka nevojë të rrëzohet me armë, ajo do të rrëzohet me vezë, me qëndresë dhe qëndrueshmëri,” u shpreh Edison Lika gjatë fjalës së tij në protestë.
