Pas pak do të zhvillohet seanca gjyqësore për kryetarin në detyrë të bashkisë Himarë, Jorgo Goro. Bashkë me të do të njihen me masat edhe Vezir Gjikoka dhe Bilbil Aliaj.
Sipas SPAK kreu i Kadastrës së Vlorës, Bilbil Aliaj dhe juristi Vezir Gjikoka, sipas SPAK asokohe ‘kanë pranuar dokumentacionin ligjor, dhe lëshuan një vërtetim nga dokumentet hipotekore duke kryer regjistrimin fillestar të tokës në favor të Foto Mehillit dhe më pas të trashëgimtarëve të tij’.
Jerasimo Bashi dhe Stavri Mëhilli nuk janë gjetur ende nga policia, ndaj masat e sigurisë për ta, nuk janë ekzekutuar. Goro akuzohet për shpërdorim detyre. Konkretisht dyshohet për falsifikim të pronës ku Artan Gaci, ish-deputeti socialist dhe bashkëshorti i ish-ministres së Jashtme Olta Xhaçka po ndërton një investim strategjik në miliona euro.
SPAK e akuzon Goron se ka shpërdoruar detyrën në dy episode, në të parin duke shmangur Këshillin e Qarkut, për sipërfaqen prej 5512 metra katrorë tokë dhe mbi bazën e dokumentit të tij toka u regjistrua në kadastër në kundërshtim me ligjin dhe më pas iu shit nga Stavri Mëhilli ish-deputetit Gaçi me një vlerë më të ulët se tregu.
