Një sherr brutal ka ndodhur mbrëmjen e sotme në qytetin e Korçës, ku një 49-vjeçar i identifikuar si Altin Sali, ka goditur me mjete të forta në kokë një 55-vjeçar.
Mësohet se 55-vjeçari me inicialet A.F., ka marrë goditje të shumta në kokë dhe momentalisht ndodhet në spital, ndërsa autori është shoqëruar në komisariat.
“Mbrëmjen e sotme, në lagjen nr. 6, Korçë, shtetasi A. S., 49 vjeç, gjatë një konflikti për motive të dobëta, dyshohet se ka goditur me sende të forta në kokë, shtetasin A. F., 55 vjeç, i cili ndodhet në spital në kujdesin e mjekëve.
Autori i dyshuar i ngjarjes, Altin Sali ndodhet i shoqëruar në komisariat, për veprime të mëtejshme procedurale.
Grupi hetimor po punon për sqarimin e rrethanave të ngjarjes” njofton policia.
