Presidenti Aleksandar Vuçiç ka deklaruar se Serbinë e presin ditë të vështira, duke shtuar që së shpejti do t`i informojë qytetarët e Serbisë për të gjitha sfidat që e presin.
“Serbinë e presin ditë të vështira. Në këtë moment nuk është e lehtë të thuhet se çfarë lajmesh kemi marrë e do të marrim në 48 orët e fundit.
Ato kërcënojnë drejtpërdrejt interesat jetike kombëtare si të Serbisë ashtu edhe të Republikës Srpska. Do të jetë e vështirë, më së vështiri deri më tani. Ne do të luftojmë. Serbia do të fitojë”, ka deklaruar Vuçiç.
Sot pritet të mbahet mbledhja e Komisionit Politik të Këshillit të Evropës, ku do të votohet raporti i Dora Bakoyannis, në të cilin rekomandohet që Kosova të pranohet në këtë organizatë.
