Një emër i ri është shtuar në listën e të akuzuarve për vrasjen e Selavdi Shehaj në Itali.
Mediat italiane raportojnë se akuza është ajo e bashkëpunimit në vrasje, e njëjta si për Giuseppe Molisso, Raul Esteban Calderon dhe Enrico Bennato që janë tashmë në gjyq në Frosinone.
Një person i gjashtë pra i përfshirë në pritën mafioze, sipas informacioneve të ‘Skuadrës Fluturuese’ bëhet fjalë për një tjetër shqiptar.
Më 20 shtator 2020, në fabrikën e Bora Bora u ekzekutua Simone, pseudonimi i Shehajt, i njohur ndryshe edhe si Passerotto.
Dy të shtëna në qafë e lanë të vrarë buzë detit.
Autorë të vrasjes, sipas prokurorëve italianë, ishin Bennato dhe Calderon.
Argjentinasi do të kishte planifikuar vrasjen e Passerotto-s së bashku me Giuseppe Molisso, një burrë nga klani Sienez, i dyshuar se qëndronte gjithashtu pas krimit Diabolik.
Për të shtënat fatale në plazh akuzohet edhe Guido Cianfrocca, mësohet se ka marrë armën dhe Luca De Rosa i cili sipas Prokurorisë së Romës ka siguruar motorin e përdorur për blic.
Ndër kontaktet e Simones janë ato me disa anëtarë të grupit shqiptar, aleatë të Piscitellit. I njëjti grup që, sipas dokumenteve të fundit, u organizua për t’u hakmarrë për vdekjen e Diablo-s, i atribuar Molisso dhe Leandro Bennato. Vrasja e Passerotto-s do të ishte pjesë e kësaj grindjeje.
Dënimi është më 3 qershor.
