Personi në foto është autori i ngjarjes së rëndë ditën e sotme në Ferizaj, ku një debat përfundoj me një viktimë dhe një të plagosur.
Nga të shtënat me armë zjarri mbeti viktimë Erona Cokli, 21-vjeçe, e cila u vra nga ish-bashkëshorti i saj, 36-vjeçari Valon Aliu (personi në foto).
Ngjarja ka ndodhur në Qendrën për Punë Sociale në Ferizaj ndërkohë që drejtoresha për Punë Sociale, Adelina Rexhepi tregoi shkurtimisht se si nisi konflikti.
Rexhepi tha se i dyshuari për vrasjen e Coklit kishte shkuar për ta marr fëmijën e tij dhe se nuk kishin konflikte me bashkëshorten, por me tu kthyer sërish te qendra kanë filluar konflikti, i cili përfundoi me vrasje.
“Realisht nuk kanë pasur konflikte, ka ardh bashkëshorti për ta marr fëmijën e tij nga ora 13:00, ka diskutuar me ata të qendrës për punë sociale, e ka marr djalin dhe ka dalë jashtë, është kthy prapë dhe është takuar jashtë institucionit me bashkëshorten e tij dhe të dy bashkë kanë ardhur prapë në qendër dhe nga aty ka filluar konflikti. Kanë qenë partnerë pa kurorë dhe kanë bërë kërkesë për divorc”, tha Rexhepi.
