Policia gjermane zbuloi një plantacion kanabisi në Löhne-Gohfeld të hënën (8 prill). Dy operatorët e dyshuar, dy shtetas shqiptarë ndodhen në paraburgim.541 bimë kanabis, tetë kilogramë marijuanë e gatshme për shitje dhe aksesorë të ndryshëm profesional për plantacione.
Plantacioni u zbulua mbrëmjen e së hënës rreth orës 19:00 si pjesë e ekzekutimit të një urdhri kontrolli. Kur arritën në Löhne-Gohfeld, detektivët zbuluan se e gjithë prona që po kërkonin ishte konvertuar dhe përdorur për të rritur bimë kanabisi, vazhdon njoftimi për shtyp.
Gjatë kontrollit, dy të dyshuarit u arrestuan dhe u sollën para gjykatësit në gjykatën e qarkut Bad Oeynhausen të nesërmen. Ai ka lëshuar urdhrat e arrestit dhe sipas policisë hetimet janë në vijim.
