Gjatë një bisede me banorët e Zvërnecit, kryeministri Edi Rama u shpreh me ton të ashpër për raportin mes ekzekutivit dhe pushtetit gjyqësor, duke paralajmëruar për kufijtë e pushtetit të tij dhe pasojat e ndërhyrjes në gjykata.
Ai theksoi se nuk mund të lejojë që situata të degjenerojë dhe të rrezikojë marrëdhëniet me institucionet europiane.
“Do më bësh mua të shaj gjykatën? Se gati jam. Po do më prishësh punë me Europën. Gati jam të të bashkohem. Hajde bëhemi bashkë, i gjejmë shtëpinë gjykatësit dhe e kapim të dy bashkë. Demokraci është kjo?
Fuqia ime si kryeministër mbaron aty ku fillon fuqia e gjykatës. Mos më bëj mua të merremi këtu me gjykatën, se vijnë ata dhe na kapin të dyve pastaj.”
