Shpallja e Fredi Belerit si eurodeputet nga kryeministri grek Kyriakos Mitsotakis nuk është pritur mirë nga një pjesë e rëndësishme e partisë “Demokracia e Re”.
Sipas mediave greke kundër kandidaturës së Fredi Belerit janë shprehur ministri i Jashtëm i Greqisë, Jorgos Gerapetritis, zëvendësministrja e Jashtme, Aleksandra Papadhopulou si dhe Ministri i Shtetit Aqis Skertcos.
Ata janë shprehur kundër pasi kjo kandidaturë do ta kthente kërkesën për lirimin e tij nga burgu në një çështje dypalëshe dhe jo problem europian, siç Athina synon ta kthejë.
Gjithastu kandidimi i tij në partinë greke si një përfaqësues i Greqisë do të dobësonte kërkesat për të drejtat e minoritetit grek si shtetas të Shqipërisë.
