Gazetari Mentor Kikia në një postim në rrjetet sociale pasqyron përmes fotove atë që po ndodh në bregdetin e Durrësit. Plehrat kanë pushtuar detin në prag të hapjes së sezonit.
“Ky është menaxhimi i mbetjeve që bëjmë ne! Mjafton një vërshim reshjesh dhe lumenjtë shkarkojnë tonelata mbetje plastike në det, e deti, padyshim na i kthen mbrapsht. Pale sa shishe, kanaçe, këpucë e rraqe të vjetra, dhe sende të tjera, janë në shtretërit e lumenjve dhe shtratin e detit.
Në breg rikthehen vetëm plastikat që pluskojnë. Jemi ende në pikën ZERO. Ligje, direktiva BE-je, Strategji, dhe sërish ZERO. Pastro në qytet e nëpër rrugë dhe hidh në përrua. Ky nuk është menaxhim” shkruan ai.
