Trupi i Aurel Ndonit, 40-vjeçari i cili u mbyt në shkurt të këtij viti, në Porto Romano të Durrësit, është gjetur në brigjet e Kroacisë.
Ngjarja e rëndë ndodhi teksa ai ishte duke peshkuar, që prej asaj kohe kërkimet për gjetjen e tij nuk kanë ndaluar. Mësohet se familja e të ndjerit ka tërhequr trupin e tij dhe kanë zhvilluar ceremoninë e varrimit në qytetin e Lushnjes.
Palumbarët e RENEAS patën kërkuar disa ditë dhe i ndërprenë kërkimet duke ju thënë familjarëve që rrymat detare e kanë zhvendosur trupin, sepse era me drejtim nga jugu ka qenë shumë e fortë. Dhe rezultati ishte bregdeti kroat.
Familjarët patën aktivizuar palumbarë privat të një kompanie holandeze për kërkimin e njeriut të tyre, i cili la pas një vajzë 5-vjeçare.
