Një plagosje e rëndë mes dy të miturve ka ndodhur mbrëmjen e sotme në Markopulos të Greqisë.
Një 15-vjeçar është arrestuar nga policia pasi ka plagosur me thikë një bashkëmoshatarin e tij grek.
Sipas mediave greke, dy të miturit janë përleshur me njëri tjetrin për arsye banale dhe njëri prej tyre ka nxjerrë thikën duke e plagosur 15-vjeçarin grek.
Ngjarja u pa nga një oficer policie që ishte jashtë detyrës, i cili thirri një ambulancë dhe njoftoi autoritetet.
Kërkimet vijuan deri në gjetjen dhe arrestimin e autorit të mitur, ndërsa u arrestuan edhe prindërit e tij për neglizhencë të mbikëqyrjes së një të mituri.
I plagosuri është dërguar në Spitalin e Fëmijëve Aglaia Kyriakou ku i është dhënë ndihma e parë dhe ka ndodhet i shtruar në spital.
