Deputetja e Partisë Demokratike Jorida Tabaku me anë të një postimi në rrjetet sociale ka folur se profesionet e lira janë në rrezik.
Tabaku u shpreh se Drejtoria e Tatimeve po i detyron të paguajnë deri në 50% të fitimit të tyre.
“Drejtoria e Tatimeve ka nisur një udhëzim nr 26 që i detyron profesionistët e lirë të paguajnë deri në 40% apo dhe 50% të fitimit të tyre me premtimin që mot qeveria do t’ua kthej nëse kanë shpenzuar më pak”, shkruan deputetja demokrate.
Jorida Tabaku thekson se “harbutëria me të cilën u merren paratë e djersës dhe mundit xhepave të shqiptarëve, arroganca në trajtimin e atyre që punojnë, është sikur mendojnë se janë të paprekshëm”, duke përfunduar: “Koha nuk pret!”
