Presidenti i Serbisë Aleksandër Vuçiç deklaroi sot në mbledhjen e Këshillit të Sigurimit në OKB se serbët e Kosovës po cenohen dhe se dhuna ndaj serbëve në veri është e vazhdueshme.
“Në vend që të dënohet Kurti, ky regjim po shpërblehet. 16 sulme me motiv etnik ndaj serbëve në Graçanicë, heqja e tabelave në komunat serbe në komunat në veri. Vazhdimësi e sulmeve ndaj minoriteteve serbe në farmacitë kosovare në Mitrovicë të Veriut dhe Zubin Potok.
Jetesa për komunitetin serb në veri të Kosovës është bërë e pamundur. Ka një presion të vazhdueshëm kundrejt qytetarëve serbë. Persekutimi i tyre nga qeverisja e vetme në Kosovë, më duhet të kujtoj që Kurti po persekuton serbët” tha Vuçiç.