Vazhdimi i operacionit ‘Flakë në det’, ka zbuluar një tjetër rast të trafikimit të hashashit nga Shqipëria drejt Italisë.
Me urdhër të SPAK, janë arrestuar Selami Lushkaj nga Fieri si dhe Ksenofon Bodo. Të njëjtin fat me ta ka pasur dhe bashkëpunëtori i tyre Alket Deda.
Së fundmi gazetari Elton Qyno ka siguruar dhe fotot e dy prej tyre, bëhet fjalë për Lushkajn dhe Bodon, dy anëtarë të grupit të drejtuar nga Gëzim Çelaj dhe Vlonjati, Arben Dalipaj i njohur ndryshe me nofkën “Kapelja”.
Në foto Selami Lushkaj:
Në foto Ksenofon Bodo:
Organizatorët e këtij trafiku janë Gëzim Çelaj i cili u arrestua në Kosovë dhe më pas u ekstradua në Shqipëri dhe vlonjati Arben Dalipaj, njeriu që konsiderohet si i pakapshëm në det, për shkak të aftësive të mira të drejtimit të gomoneve.
Dalipaj, figuron në dosje me pseudonimin “Kapelja” dhe kishte komunikime me ish-efektivin Arlind Ismailukaj, tashmë të arrestuar. Arben Dalipaj njihet si një ndër skafistët më të aftë në vend.
