Një aksident me pasojë vdekje ka ndodhur pasditen e sotme në qytetin e Durrësit. Siç informon policia drejtuesi i një makine tip ‘Benz’ ka përplasur për vdekje një 50-vjeçar i cili po lëvizte me biçikletë.
Më pas shoferi i identifikuar si L.Z., është larguar nga vendi i ngjarjes dhe është në kërkim nga policia.
“Rreth orës 17:30, në lagjen 14/1 Durrës, një automjet me drejtues shtetasin L. Z, është përfshirë në një aksident me një motomjet me drejtues shtetasin Sh. S, dhe një biçiklist shtetasin F. Gj.
Si pasojë e përplasjes ka humbur jetën shtetasi F.Gj, rreth 50 vjeç. Drejtuesi i automjetit shtetasi L. Z, është larguar nga vendi i ngjarjes dhe vijon puna për kapjen e tij.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit” njofton policia.
