Ish-zëvendëskryeministri Arben Ahmetaj, i cili po përballet me akuza për “shpërdorim detyre” në Gjykatën e Posaçme, ka kërkuar që seancat e gjykatës të regjistrohen dhe të bëhen publike.
Kjo kërkesë u paraqit gjatë seancës së fundit për çështjen e njohur si “Buka sha” nga avokati i tij, Henrik Ligori.
Sipas mbrojtjes, transparenca është e domosdoshme për të garantuar një proces të drejtë dhe për të informuar opinionin publik.
Avokati Ligori theksoi se do të ishte e dobishme që seancat të transmetoheshin live, duke e mundësuar kështu për qytetarët të ndjekin hap pas hapi zhvillimin e gjykimit.
