Një plagosje me armë zjarri ka ndodhur ditën e sotme në lagjen ‘Salo Halili’ në Shkodër.
Si pasojë i plagosur ka mbetur një 24-vjeçar i identifikuar si Jaser Osmani.
Burimet bëjnë me dije se ai është qëlluar pranë banesës së tij. Shkak është bërë një sherr i çastit ku i riu ka mbetur i plagosur në kofshë me armë zjarri pistoletë. Mësohet se autori është larguar menjëherë nga vendi i ngjarjes ndërsa po punohet për identifikimin dhe gjetjen e tij.
24-vjeçari është jashtë rrezikut për jetën, ndërkohë për rastin ka reaguar dhe policia.
Njoftimi i policisë:
Shkodër/Informacion paraprak
Rreth orës 16:00, në lagjen Salo Halili, dyshohet se gjatë një konflikti të çastit është plagosur në kofshë me armë zjarri pistoletë shtetasi J. O., 24 vjeç, i cili po merr ndihmë mjekësore në Spitalin Rajonal të Shkodrës dhe ndodhet jashtë rrezikut për jetën.
Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit.
Grupi hetimor në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit.
