Kina, Rusi dhe Turqia kanë reaguar së fundmi për vdekjen e ndodhur me helikopter të Presidentit Iranian Ebrahim Raisi. Shumë liderë botërorë dhe rajonalë kanë shprehur ngushëllimet e tyre në lidhje me vdekjen e Raisit.
Ministria e Jashtme Kineze me anë të një deklarate për media thotë se Presidenti Kinez Xi Jinping ka shprehur ngushëllimet e tij për Presidentin Iranian.
Gjithashtu edhe Ministri i Jashtëm i Rusisë e përshkroi presidentin iranian si “mik i Rusisë”. Sipas Lavrov roli i tij është i paçmueshëm në forcimin e bashkëpunimit me përfitim të ndërsjelltë ruso-iranian.
Ndërsa Ministri i Jashtëm i Turqisë Hakan Fidan tha:”Që në momentin e parë që dëgjuam për aksidentin, ne kemi qenë në kontakt me autoritetet iraniane dhe kemi mobilizuar të gjitha mjetet për të ndihmuar përpjekjet e kërkimit”.
