Ka përfunduar në prangat e policisë greke një 38-vjeçar nga Skrapari, Foti Llambris.
Ai së bashku me disa shqiptarë të tjerë katër muajt e fundit kanë ngritur dhe kultivuar bimët e kanabisit me qëllim shitje dhe shpërndarje.
Bëhet me dije se shqiptarët kishin mbjellë 812 bimë të cilat si pasojë u sekuestruan. Sipas mediave greke organizata kriminale do të kishte përfitime monetare, të vlerësuara deri në 1 milion euro.
Nga përfundimi i operacionit të Policisë greke janë gjetur dhe sekuestruar këto objekte: bimët e kanabisit, 2 lente, 1 telefon celular, dylbi, radio marrëse, panele diellore, pajisje kultivimi, shumat monetare 100 euro dhe 1500 lekë shqiptare, si dhe një automjet.
