Prej ditësh tashmë diskutohet për listën e lojtarëve që do përfaqësojë Kombëtaren shqiptare të futbollit në Euro 2024.
Me Sylvinhon ende në vlerësim e sipër të lojtarëve, një ndër emrat më pikantë ka qenë ai i Brajan Grudas.
Futbollisit 19-vjeçar me origjinë shqiptare, shpërtheu këtë sezone me ekipin e Mainz në Bundesligën gjermane. Ende i ri dhe me një të ardhme që duket e ndritur për talentin anësor, dhe bashkë me të shumë shpresa se zgjedhja e tij finale do të ishte Shqipëria.
Me publikimin e listës së Kombëtares gjermane, shpresat u rritën me Grudën që ishte lënë jashtë nga Nagelsmann, megjithatë gjithçka duket se ka përfunduar.
Gruda është thirrur nga Gjermania e moshave U-21, ndërsa së fundmi në mediat e huaja raportohet se ai është grumbulluar nga trajneri Nagelsmann për një seancë stërvitore 1-javore me ekipin e parë.
Një stërvitje që do zhvillohet para startimit të Europianit, me lojtarin që do jetë thjesht pjesë e stërvitjes dhe jo e listës finale.
Një zgjedhje e cila lë të duket se një 19-vjeçar preferoi një javë stërvite para një Europiani me Kombëtaren shqiptare.
