Asambleja e Përgjithshme e OKB-së ka nisur debatin për një propozim rezolutë që do të shpallte 11 korrikun si Ditën Ndërkombëtare të Përkujtimit të Viktimave të Gjenocidit të Srebrenicës.
Kjo rezolutë është kundërshtuar ashpër nga Serbia. Presidenti serb, Aleksandër Vuçiç, duke folur në Kuvend, tha se është në atë sallë për të votuar kundër kësaj rezolute. Sipas tij, kjo rezolutë është e politizuar dhe nëse miratohet do të hapë atë që ai e cilësoi si “Kutia e Pandorës”.
Gjatë kohës kur janë publikuar votat e shteteve që votuan për rezolutën, pamjet e presidentit serb Aleksandër Vuçiç janë bërë virale në rrjetin social “X”.
Ndërsa mban flamurin serb në duar, i skuqur e plot inat, ai ka shfaqur edhe njëherë mohimin e gjenocidit.
