Një 66-vjeçar rus është gjetur pa jetë brenda banesës së tij në Golem të Kavajës.
Policia bën me dije se prej disa ditësh ai nuk i përgjigjej thirrjeve në telefon, ndërsa mbrëmjen e sotme është gjetur pa shenja jete.
Rreth orës 22:00, Policia e Kavajës është njoftuar se shtetasi rus V. U., rreth 66 vjeç, i cili jetonte në katin e tretë të një pallati në Golem të Kavajës, nuk përgjigjej prej disa ditësh në telefon.
Menjëherë shërbimet e Policisë kanë shkuar në adresën e dhënë dhe kanë konstatuar se dera e jashtme e banesës ishte e mbyllur. Shërbimet e Policisë kanë hapur me forcë derën e banesës, ku kanë gjetur pa shenja jete shtetasin V. U.
