Edhe në Korçë është zhvilluar një protestë e lidhur me nismën kundër projektit në Zvërnec, e cila po njihet ndryshe si “Revolucioni i Flamingove”.
Qytetarët janë mbledhur bashkë me familjarë dhe fëmijë, ndërsa pjesëmarrja, sipas organizatorëve, po rritet nga dita në ditë.
Protestuesit kanë ripërsëritur kërkesat e tyre drejtuar qeverisë, ku përfshihet dorëheqja e saj, shfuqizimi i ligjit për investitorët strategjikë, anulimi i “Paketës së Maleve”, si dhe ndryshimet në ligjin për zonat e mbrojtura dhe trashëgiminë kulturore.
Ata kanë paralajmëruar vijimin e protestave deri në plotësimin e kërkesave.
