Nuk ka liri, por burg. Erzen Breçani do të vazhdojë që të qëndrojë në qeli deri në përfundim të hetimeve. Bashkë me të edhe ish-shefi i komisariatit nr. 6 Dedan Gjoni, që akuzohet për dekonspirim dhe nxjerrje të informacioneve sensitive. Vendimi është marrë sot nga Gjykata e Lartë duke rrëzuar kërkesat e të arrestuarve.
SPAK dyshon që ish-zyrtari i policisë Erzen Breçani i investoi paratë e paligjshme që dyshohet se i kishte fituar i biri, në ndërtimin e HEC-eve. Në dosjen e Prokurorisë së Posaçme evidentohet se Breçani, ish-zyrtar i lartë i policisë në kohën e qeverisë Berisha kishte dijeni të plotë mbi aktivitetin e paligjshëm të trafikut të drogës të birit Eralbi Breçani.
