Ditën e sotme opozita ka thirrur për protestën që do të zhvillojë para Parlamentit.
Protesta është njoftuar që do të nisë në orën 10:00 dhe duke filluar nga ora 08:00 e në vazhdim do të ketë bllokim të përkohshëm të qarkullimit të makinave në bulevardin Zhan D’Ark dhe rrugën “Xhorxh Bush”.
Policia njofton se drejtuesit e automjeteve, ato të transportit publik, si dhe këmbësorët të shmangin këto rrugë dhe të përdorin rrugë alternative.
Gjithashtu policia e shtetit ka marrë masa organizative dhe operacionale për sigurimin e rendit publik gjatë zhvillimit të tubimit.
