Shqipëria do të përballet nesër në mbrëmje në ndeshje me Spanjën. Në prag të këtij takimi në konferencë për shtyp u shfaq trajneri i kuqezinjve, Sylvinho.
Sylinho u shpreh se skuadra do japë maksimumin në fushë në mënyrë që të kualifikohet.
“Spanja ka lojtarë të shpejtë, ka lojtarë të mirë në krah apo në qendër. Ata lejojnë shumë pak hapësira. Bëhet fjalë për një rival të organizuar De la Fuente ka bërë një punë të mrekulleshme. Ata mbrohen dhe sulmojnë mirë”, u shpreh trajneri.
Më tej ai tha se “Lojtarët e mi kanë guxim, ne do të futemi në fushë për të dhënë maksimumin. Çdo gjë mund të ndodhë, ne do të shkojmë në fushë për të luajtur”.
