Ndryshon vepra penale. Rritet dënimi për Safet Gjicin për video-skandalin brenda zyrës që e çoi pas hekurave për tenderin e qenve që i premtoi 40-vjeçares në këmbim të aferës seksuale.
Ish-kryetari i bashkisë së Kukësit është dënuar me 4.6 vite burg me vendim të formës së prerë nga Gjykata e Apelit. Shkalla e parë e dënoi vetëm për shpërdorim detyre.
Por ndryshimi i veprës penale i rriti me 1.5 vite dënimin me burg Gjicit. Edhe për Alma Kaçin u ndryshua vepra penale. Ajo u dënua më shkallën e parë për prostitucion ndërsa vendosi ta dënojë me 1 vit e 6 muaj burg për akuzën e korrupsionit aktiv.
Gjici dhe Kaçi përfitojnë nga gjykimi i shkurtuar duke u zbritur 1/3 e dënimit dhe përfundimisht u dënuan me 3 vite burg Gjici dhe 1 vit për Alma Kaçin.
Ditën e sotme Gjici nuk ishte i pranishëm për shkak se ndodhet i shtruar në spital për probleme shëndetësore.
