Ish-kryeministri Sali Berisha dtën e sotme në tubimin qytetar iu ak bërë sërish njerzve thirrje që t’i bashkohen protestës së 11 korrikut.
Berisha tha se “për çdo njeri që i thotë lirisë, liri, dinjitetit njerëzor, dinjitet, të cilët nuk mund të ekzistojnë pa votën e lirë, e kanë të qartë se votat e tyre i numëroi Edi Rama me terroristët e tij elektoralë, patronazhistë, aktivistë”.
Pjesë nga fjala e Berishës: Të dashur miq, protesta e 11 korrikut është protestë për thelbin e lirisë, për thelbin e dinjitetit njerëzor.
Protestë për rikthimin e votës së lirë në Shqipëri.
Historia e njerëzimit ka faktuar se vota e lirë është mekanizmi themelor i shtetit ligjor, i barazisë para ligjit, i lirisë së tregut, i zhvillimit dhe begatimit të një vendi.
Kombet që nuk kanë pasur votën e lirë, kanë rënë në abiset e historisë.
Kujtoni pak se ku ramë ne në 46 vite diktaturë, në të cilën çdo katër vite shkonim te kutitë e votimit, por votat i numëronte partia terroriste.
Rikujtoni pak se cili ishte shkalla e tjetërsimit njerëzor nga kjo diktaturë dhe mjerimi ekonomik.
Por ata që kanë pasur fatin e madh të mos jetojnë në atë kohë, le të ndalen pak në këtë 10-vjeçar të sundimit të Rilindjes dhe Edi Ramës.
