Ministri i Mbrojtjes Niko Peleshi me anë të një postimi në rrjetet sociale ka folur në lidhje punën e pandërprerë të forcave dhe emergjencave civile për shuarjen e zjarreve.
Peleshi thotë se “në fshatin Kakodhiq në bashkinë e Delvinës po vijon aksioni me forcat e bashkisë, efektivët e Forcave të Armatosura, forca shtesë zjarrfikësish nga Berati, por edhe dy avionë PZL nga Greqia, për shuarjen e flakëve. Po ashtu operacioni vazhdon edhe pranë liqeneve të Lurës në Dibër”.
Gjithashtu ai i falënderon të gjithë efektivët e angazhuar si dhe autoritetet greke që po asistojnë me dy avionët tip PZL në shuarjen e flakëve në fshatin Kakodhiq.
