Është shtyrë dhe me 10 ditë hapja e qendrave të emigrantëve në Shëngjin dhe Gjadër.
Ndryshe nga sa deklaroi Kryeministrja Italiane Giorgia Meloni se këto kampe do të hapeshin në datën 1 gusht, ekspertët shprehën se do të duhen të paktën 10 ditë të tjera pas datës zyrtare të hapjes së tyre, pra 1 gushtit.
Emigrantët që do të mbërrijnë në Shqipëri do të transportohen gjatë javëve të para nga një anije e flotës ushtarake italiane, për të kaluar më pas në shërbim detar privat.
Shtëpitë e parafabrikuara të tyre do të mbërrijnë në Shqipëri në datën 30 korrik dhe montimi e përshtatshmëria e tyre do të marrë 10 ditë kohë që të jetë në shërbim të jetesës së azilkërkuesve.
