Ditën e nesërme opozita do të zhvillojë protestë para Bashkisë në orën 11:00.
Policia ka zbardhur masat e ndërmarra për ditën e nesërme.
Policia informon se do të bllokohen disa segmente rrugore si dhe do të ketë bllokime të pjesshme në disa segmente të tjera në varësi të lëvizjes së tubuesve.
Në orën 09:30 do të ketë një bllokim të përkohshëm të qarkullimit të mjeteve në bulevardin kryesor pranë Bashkisë së Tiranës.
Gjithashtu policia bën apel që të shmangen lëvizjet dhe të përdorin rrugë alternative deri në përfundim të protestës.
