Deputeti Enkelejd Alibeaj në mbledhjen e Komisionit të Ligjeve tha se drafti për reformën zgjedhore të dakordësuar midis PS dhe PD është një pazar.
Alibeaj shprehet se ky komision ka për detyrë që të bëjë transparencë për iniciativë për secilën parti politike por do të duhej të bëjë transparencë edhe për diçka më tepër.
“Listat 30% janë të mbyllura, nuk është as rregulli i mëparshëm i 10 mijë votave. Nëse do kishte dikush të kalonte këtë mur, tashmë kjo nuk është e mundshme. Bie ndesh me kushtetutën dhe me vendimin e Gjykatës Kushtetuese. Lidhur me votën e diasporës s’ka çudi, është vendosur votë me postë, me pagesë, me pikatore. Diaspora për të cilën të gjithë përbetohen do ta ketë me paratë e tyre, me pikatore, aq sa do partia në pushtet”, tha Alibeaj.
