Ditmir Bushati, ish-ministri për Evropën dhe Punët e Jashtme, drejton misionin e Organizatës për Siguri dhe Bashkëpunim në Evropë (ODIHR) për të monitoruar zgjedhjet e parakohshme parlamentare në Azerbajxhan.
Misioni synon të vlerësojë zhvillimin e zgjedhjeve në përputhje me standardet ndërkombëtare dhe legjislacionin kombëtar, duke përfshirë angazhimet e OSBE-së. Bushati u prit në një takim nga Ministri i Jashtëm i Azerbajxhanit, Jeyhun Bayramov, për të diskutuar rëndësinë e procesit zgjedhor.
Misioni përbëhet nga 11 ekspertë ndërkombëtarë dhe 280 vëzhgues afatshkurtër dhe afatgjatë, të cilët do të monitorojnë të gjitha aspektet kyçe të zgjedhjeve, përfshirë administratën zgjedhore, respektimin e lirive themelore dhe mbulimin mediatik.
