Në një fjalim të zjarrtë para protestuesve, Kryetari i Partisë Demokratike, Sali Berisha, akuzoi “Skapin e Partisë” për mbrojtjen e Edi Ramës dhe klanit të tij, duke e quajtur këtë institucion si një organizatë kriminale dhe mburojë të krimeve qeveritare.
Berisha e kritikoi ashpër Skapin e Partisë, duke thënë se ai ka shndërruar në mbrojtës të vjedhjeve dhe korrupsionit të kryeministrit Edi Rama, të bashkëshortes së tij, Erion Veliajt dhe zyrtarëve të tjerë qeveritarë.
“Çdo ditë organizata kriminale e kryesuar nga Altin Dumani që quhet Skapi i partisë, amnistron këta bastardë, kriminelë që tallen në mënyrën më cinike me shqiptarët.
Nga njëra anë amnistojnë Edi Ramën, Erion Veliajn, Lubi Ballukun, Engjël Agaçin, qeveritarë, zyrtarë të tjerë. Nga ana tjetër për të mashtruar shqiptarët lëshojnë, firmosin, mandate kallpe.
Nga 110 mandate arresti, 90 ja mbathin sepse njoftohen para se të firmosen, sepse paguajnë për tu njoftuar.
Sepse kurrë nuk ka patur Shqipëria një institucion më famëzi, më kriminal se Skapi i partisë.
Kjo organizatë kriminale është shndërruar në një mburojë të krimeve të tmerrshme qeveritare, të vjedhjeve të tmerrshme të Edi Ramës dhe klanit të tij, Edi Ramës dhe familjes së tij.
Erion Veliajt dhe klanit të tij, Erion Veliajt dhe familjes së tij.
Lubi Ballukut dhe tarafit të saj.”, tha Berisha.
