Në orët e pasdites së 22 gushtit, një aksident i ndodhur në afërsi të rrethrrotullimit të TEG-ut në Tiranë, ka degjeneruar në një konflikt fizik mes dy personave. Një përplasje mes dy automjeteve, një ‘Audi A8’ dhe një ‘Benz’, ka shkaktuar një sherr të ashpër pas fërkimeve të ndodhura ndërmjet dy vajzave që i drejtonin këto makina.
Sipas raportimeve, pas përplasjes, vajzat kanë thirrur të afërm për të sqaruar situatën, e cila ka çuar në një përplasje fizike mes dy të rinjve. Por situata ka agravuar mes Fatjon Dautit i cili është konfliktuar me të afërmin e drejtueses së mjetit, Marjo Barami.
Në këtë përleshje është plagosur Fatjon Dauti, i cili është dërguar në spital për ndihmë mjekësore. Ndërkohë, në vendngjarje është gjetur një armë zjarri, e cila tani është nën hetim për të përcaktuar se kujt i përket.
Policia dhe ekspertët e kriminalistikës janë në vendin e ngjarjes për të mbledhur prova dhe për të hetuar tërësisht rrethanat e këtij incidenti.
Arma në tokë! Dajak mes dy shoferëve për një fërkim makinash
