Në një zhvillim të pazakontë, mbështetësit e Sali Berishës nuk do të kenë mundësinë të ndjekin protestën e përnatshme poshtë ballkonit të liderit të tyre këtë mbrëmje. Për herë të parë që nga fillimi i vitit, protestat në “Rrugën e Shpresës” janë anuluar.
Njoftimi i Partisë Demokratike për anulimin e protestës erdhi pas stuhisë së rëndë që përfshiu qytetin, me shi të rrëmbyeshëm dhe breshër. Zyrtarët e PD-së sqaruan se kushtet atmosferike kanë bërë të pamundur zhvillimin e ngjarjes.
Sali Berisha, i cili ka ruajtur një rutinë të përditshme të takimeve me mbështetësit e tij, ka vazhduar të qëndrojë në shtëpi për shkak të ndalesës nga SPAK që iu vendos më herët këtë vit.
