Komisioni i Ankesave dhe Sanksioneve në KQZ ka rrëzuar kërkesën e koalicionit “Bashkë Fitojmë” për përsëritjen e zgjedhjeve në bashkinë e Himarës. KAS ka lënë në fuqi rezultatin fillestar ku Vangjel Tavo i PS fitoi me 1500 vota përpara kandidatit të opozitës, Petro Gjikuria.
Gjetjet nga administrata e KQZ pas verifikimit te materialeve zgjedhore janë: 169 qytetarë janë kthyer për shkak se kanë pasur karta të skaduara. Nga këto raste janë gjetur 23 në librin e protokollit dhe mbi 140 të tjerët në regjistrat posaçëm të zgjedhësve. Ndërsa rreth 100 zgjedhës vështirësi për t’u identifikuar me pajisjen PEI (nuk ka njohur gjurmën e gishtit).
Koalicionit Bashkë Fitojmë pretendon se 560 veta kanë shkuar dhe janë kthyer nga qendrat e votimit për shkak të kartave të skaduara të votimit. Ndërsa 260 të tjerë nuk i ka njohur pajisja e identifikimit PEI, pasi kishin kartat e rinovuara ditët e fundit.
Përfaqësuesi ligjor i “Bashkë Fitojmë” tha se do t’i drejtohen shkallës tjetër ankimore që është Kolegji Zgjedhor.
