Gjykata e Durrësit ka caktuar masën e sigurisë arrest në burg për Leonardo Prezën 26 vjeç i dyshuar për përdhunimin e një 18-vjeçareje italiane, ngjarje që ndodhi mëngjesin e 5 shtatorit pranë bregdetit.
Vajza ka deklaruar se ka kundërshtuar aktin dhe se është dhunuar, ndërsa i riu ka pretenduar se gjithçka ka ndodhur me pëlqim të ndërsjellë.
Pamjet nga kamerat e sigurisë tregojnë se dy të rinjtë kanë biseduar fillimisht pranë shëtitores, para se të largoheshin drejt zonës ku dyshohet se ndodhi ngjarja.
Hetimet janë në vijim dhe pritet ekspertiza për zbardhjen e plotë të çështjes.
