Një 41-vjeçar shqiptar është arrestuar nga policia italiane pas një aksidenti me motor në Cassia Cimina në Ronciglione, Itali.
Gjatë kontrollit në vendin e ngjarjes, policia gjeti lëndë narkotike të dyshuar si kokainë, të ndarë në doza për shitje. Në vazhdim të hetimeve, policia ka kryer një kontroll në banesën e shqiptarit, ku janë sekuestruar sasi të tjera droge dhe 3500 euro në cash, që dyshohet se janë përfituar nga aktiviteti kriminal.
Hetimet janë në vazhdim për të zbardhur nëse ka persona të tjerë të përfshirë në këtë aktivitet.
