Policia e Elbasanit ka arrestuar tre persona pasi janë shkaktarë të disa aksidenteve të ndryshme.
44-vjeçari me iniciale A.K., u arrestua pasi ditën e djeshme në aksin rrugor “Elbasan-Peqin” me kamionin që po drejtonte ka përplasur dy automjete të tjera me drejtues L.H., 34 vjeç. banues në Vlorë dhe E.P., 42 vjeç banues në Tiranë. Si pasojë e përplasjes mbeti i lënduar E.P.
Gjithashtu u arrestua edhe 25-vjeçari me iniciale L.M., pasi në gjendje të dehur në rrugën dytësore “Elbasan-Cërrik” ka përplasur një karrocë që tërhiqej me kafshë dhe drejtohej nga D.G., 51 vjeç. Si pasojë mbetën të lënduar D.G., L.M., dhe H.G., që po udhëtonte me karrocën.
Kurse 31-vjeçari A.Xh., banues në Peqin u arrestua pasi mbrëmjen e djeshme në aksin rrugor “Karinë-Peqin”, automjeti që drejtonte në gjendje të dehur është përplasur me një shtyllë metalike në anë të rrugës.
