Sipas një raporti të publikuar nga Washington Post, hakerët kinezë, që dyshohet se mbështeten nga qeveria e Kinës, kanë arritur të fitojnë akses në llogaritë e qeverisë dhe ushtrisë amerikane.
Këto sulme janë përshkruar si “jashtëzakonisht agresive dhe të sofistikuara”, dhe kanë përfshirë dy ofrues të mëdhenj të shërbimeve të internetit, të cilët shërbejnë miliona klientë.
Raporti vjen në një kohë kur SHBA dhe Kina janë duke tentuar të riparojnë marrëdhëniet e tyre të dëmtuara. Jake Sullivan, këshilltari për sigurinë kombëtare të SHBA-së, ka udhëtuar në Pekin për bisedime me Wang Yi, një zyrtar i lartë kinez.
Sipas Sullivan, Presidenti Biden është i përkushtuar për menaxhimin e marrëdhënieve me përgjegjësi. Nga ana tjetër, Ambasada kineze në Uashington ka mohuar akuzat dhe ka sugjeruar se raportet e tilla përforcojnë rrezikun e perceptuar.
